Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 100-1} īṇṭu nīr micai tōṉṟi iruḷ cīkkum cuṭar ē pōl
• {KALI 100-2} vēṇṭātār neñcu uṭka veru vanta koṭumai um
• {KALI 100-3} nīṇṭu tōṉṟu uyar kuṭai niḻal eṉa cērntārkku
• {KALI 100-4} kāṇtaku mati eṉṉa katir viṭu taṇmai um
• {KALI 100-5} māṇṭa niṉ oḻukkattāṉ maṟu iṉṟi viyaṉ ñālattu
• {KALI 100-6} yāṇṭōr um toḻutu ēttum iraṅku icai muraciṉāy
• {KALI 100-7} aiyam tīrntu yār kaṇ um arum tava mutalvaṉ pōl
• {KALI 100-8} poy kūṟāy eṉa niṉṉai pukaḻvatu keṭātu ō tāṉ
• {KALI 100-9} nalki nī teḷitta col nacai eṉa tēṟiyāḷ
• {KALI 100-10} pal itaḻ malar uṇ kaṇ paṉi malka kāṇum kāl
• {KALI 100-11} curanta vāṉ poḻintaṟṟu ā cūḻa niṉṟu yāvarkku um
• {KALI 100-12} irantatu nacai vāṭṭāy eṉpatu keṭātu ō tāṉ
• {KALI 100-13} kalaṅku añar uṟṟu niṉ kamaḻ mārpu nacaiiyāḷ
• {KALI 100-14} ilaṅku kōl avir toṭi iṟai ūra kāṇum kāl
• {KALI 100-15} uṟai varai niṟutta kōl uyir tiṟam peyarppāṉ pōl
• {KALI 100-16} muṟai ceyti eṉa niṉṉai moḻivatu keṭātu ō tāṉ
• {KALI 100-17} aḻi paṭar varutta niṉ aḷi vēṇṭi kalaṅkiyāḷ
• {KALI 100-18} paḻi tapu vāḷ mukam pacappu ūra kāṇum kāl
• {KALI 100-19} āṅku
• {KALI 100-20} tol nalam iḻantōḷ nī tuṇai eṉa puṇarntavaḷ
• {KALI 100-21} iṉ uṟal viyaṉ mārpa iṉaiyai āl koṭitu eṉa
• {KALI 100-22} niṉṉai yāṉ kaḻaṟutal vēṇṭum ō
• {KALI 100-23} eṉṉōrkaḷ iṭumpai um kaḷaintīvāy niṉakku ē